MGA KAKAIBANG SALITA SA QUEZON

Ang 'umadyo' ay umakyat. Ang 'dayagin' ay maruruming pinggan. Ang 'magdadayag' ay maghuhugas ng pinggan at ang 'as-is' ay magkukuskos o maglilinis ng maruming kaldero.

Salitain rin sa Quezon ang 'yanu' na ang ibig sabihin ay 'ubod' o 'sobra'. Kapag sinabing 'Yanu ka naman ay!', ibig sabihin 'Sobra ka naman!' Ginagamit ang 'yanu' para ilarawan ang iyong katangian tulad ng 'yanung taba', 'yanung ganda', 'yanung sarap', 'yanung liit.'

Marahil magtataka ka kapag may narinig ka na nagsabing 'Huwag mo "landiin" ang tubig.' Ha?! Tubig, nilalandi? Opo! Hindi lang po pogi o maganda ang nilalandi! Puwede pong 'landiin' ang tubig, kuryente at pagkain. Pero katulad ng paglandi sa maganda o pogi, ito po ay mali. Sapagkat sa Quezon ang 'paglandi' ay pag-aaksaya o pagsasayang ang kahulugan. Kaya huwag maglandi! (Bahala na po kayo kung ano'ng landi. :-) )

Huwag na huwag ding magagalit kapag sinabi sa'yong 'Puwede ko ba ''akitin'' ang asawa mo mamayang gabi? May inuman kasi sa amin, gusto ko siyang akitin.' Ang salitang 'akitin', ay 'yayain' o 'imbitahin' ang ibig sabihin.

Sadyang nakakatuwa at napakayaman ng wikang Filipino o Tagalog. Narito ang iba pang mga salitang tagalog na maririnig niyo sa Quezon:

Bulog -- Unggoy

Yayaon -- aalis

Sasaka -- pupuntang linang or barrio

Uuwi -- pupuntang bayan

Natikangkang o naburingka --- natumba

Kimpi -- talangka

Mangunguli/magdadayag -- maghuhugas ng pinggan

Maglalabar -- half bath

Mag- uuli---- mag gagala o gagala o mamamasyal

Pulasi -- kanal

Labtok --paltos sa kamay o paa

Aburido -- nagmamadali

Mamiminaw --- kukunin ang damit na sinampay

Balam --- matagal

Balaw --- alamang

Balagwit -- pasan

Bumba -- poso

Guyam -- lamgagam

Kutitab --maliliit na langgam na pula o itim

Hasi---kasya

Himbi--- inggit ex. nahihimbi si ana sa laruan ni bea. 

Lagadera --- timba

nalilingas o nalikiyo -- nahihilo

purbahan/atohan ---subukan ex. purbahan/atohan mo kung matalas ang kutsilyo 

sambutin --- saluhin

Tupiin--- batukan

Nakamusdot --- nakanguso o nakasimangot

Timbon---bunton ex. nakatimbon ang tuyong dahon sa bakuran

Uswad -- tuwad

Pamahi -- pambura

Gaurit - kaunti

Hambalos - palo

Utay-utay -- unti-unti ex. utay-utayin mo ang pagkain ng cake 

Mabanas --- mainit o init ex. ang banas ng panahon ngayon

Hiso -- magtotoothbrush

Nasimot -- napulot example: nakasimot ng pera si ana

Naka-usli---- nakalabas

Gulok --- itak

Hiwit -- kiling, example:nakahiwit ang pagkakalagay ng poste

Nakakaaduwa -- nakakadiri

Ilan lamang ito sa mga salita sa  Quezon na ginagamit sa araw-araw na pakikipag-usap ng mga Quezonian, lalo na ng mga nakatira sa 'linang' o malalayo at liblib na bayan. Kung may salitang Quezonian pa kayong alam na wala sa mga nabanggit, i-share po sa amin sa comment. :D

Maraming salamat kay Liezel Mendoza ng San Vicente Gumaca, Quezon na siyang nagpadala ng mga salitang inyong nabasa. Tara na sa Quezon!